Des Schammerl

Gedicht zum Thema Humor

von  HEMM

Wenn Du angemeldet wärst, könntest Du Dir diesen Text jetzt auch anhören...
Des Schammerl

*******************

Es gibt Soch´n im Leben die hom an großen Wert,
nimm nur des Schammerl, des ist sehr begehrt.
Mei Urgroßmutter hod´s meinem Vota gschenkt,
der Urgroßvater hot sich darüber sehr grenkt.

*******************

Doch sie hot gsogt, denk doch amoi noch,
wieast gstoipert bist driba, hostdas gschmissen in Boch.
I hobs daunn koit und hobs im Schuppn verstaut,
doch daunn host dus gfundn und mir nochekaut.

*******************

Die Großmutter wor übas Schammerl sehr erfreut,
sie wor net sehr Groß und is ibaroi damit aufekräut.
Ois Kind hot mei Vota mit dem Schammerl g´spüt,
hot si aufegstöt und sich wia a Großer g´füht.


*******************

Mei Mutta hot des Schammerl net so gern woin,
denn ihr Haxn wor brochn, wia´s is obagfoin.
Für mi wor´s ab Berg, zudeckt mit an Tuach,
scho is mei Eisenbaun gforn durch´n Tunnel durch.

*******************

Nur am Sonntag, do wor des Schammerl belegt,
mei Vota im Lehnstui die Fiaß aufeglegt.
Do hot er daunn Ferngschaut stundenlaung,
oft wor er oba im Gosthaus und e net daham.

*******************

Pickt homas scho des Schammerl, es is jo scho oit,
doch wegschmeißen dur is net, wäus ma so gfoit.
Jetzt hobs i mitgnumma, wia die Mamma is gsturm,
irgend waunn schenk is mein Enklbum.

*******************

Des Schammerl bringt Glück, des kaunn i eich sog´n,
bin driba gstoipert und hob a Heferl zerschogn.
Im Heferl wor mei Lottoschein, i het erm vergess´n,
und net wia jetzt 5000 Euro besessen.

*******************

Helmut Maier Moir© März 2008

Möchtest Du einen Kommentar abgeben?
Diesen Text kommentieren

Kommentare zu diesem Text


 Maya_Gähler (16.03.08)
Gratuliere zu diesem feinen Familenerbstück, zu dem schönen Gedicht und zum Lottogewinn :o)
Herzliche Grüsse nach Wien,
Maya

 HEMM meinte dazu am 17.03.08:
Hallo Maya! danke für deinen lustigen und netten Kommentar. Die Geschichte ist natürlich nur erfunden, habe leider keine 5000 € gewonnen. Hauptsache es hat dir gefallen und du hast ein wenig darüber gelacht.Stelle noch einen Hörtext dazu.
LG HEMM
Möchtest Du einen Kommentar abgeben?
Diesen Text kommentieren
Zur Zeit online:
keinVerlag.de auf Facebook keinVerlag.de auf Twitter keinVerlag.de auf Instagram