Da Zauberwein

Da Zauberwein

Des is mir afoch zbled,
es is jo scho so spät,
siach i des Galserl voll mit Wein,
geh i do no net Heim.

Des Glaserl wird net leer,
und i bemüh mi wirklich sehr,
verflixt wos is des für a Wein,
do wird jo nia a Ende sein.

Des is a Zauberwein,
ins Glaserl rinnt der söba rein,
da Wein der is gaunz toll,
kaum trink i aus, is Glaserl voll.

Mei Frau glaubt mir des net,
die sogt i bin vom Wein scho bled,
wer  legt mi denn do rein,
des Glaserl oda da Wein?

Gaunz genau hob i jetzt gschaut
und meinen Augerln nicht getraut,
des is jo gor ka Zauberwein
da Wirt, schenkt ma den imma ein.

Helmut Maier Moir © Juni 2011