A charmanter Wiener

A Wiener der is stets galant,
küsst jeder Frau gaunz gern die Hand.
Er liebt die Schrammeln und sein Wein,
a Witz, a Schmäh muas ano sein.

Er hot a fesches Madl gsehn,
so liab und a so wunderschön.
glei in die Augaln eine gschaut,
do hots erm auf da Stö vertraut.


Er lod sie ein auf an Kaffee,
do is glei grent sei Wiener Schmäh,
hot gsogt wos Madln gern so hern,
um ihr klans Herzal zu betörn.


A Plauscherl will sie gern riskier´n,
charmant versucht er glei sie zu verführ´n.
Gauz schnö foit sie erm drauf rein,
sie wü jo a nur glücklich sein.


Sie trinkt mit ihm a Glaserl Wein,
na klor, es muas da Beste sein.
Des Wienerschnitzl schmeckt a guat,
am liebstn wa er jo scho furt.


Er is jo stier und kau net zoin,
dem Oba wir des gornet gfoin.
Madl zoist für mi, i hob ka Göd,
morg´n schenk i da die gaunze Wöt.


I zoi des scho und sog bei Gott,
a Weana Bazi bist und a Fallott,
Wos i no net verstehn kaunn,
wia konnt i dir so schnö vertraun.

Helmut Maier Moir © November 2011