Das rosane Haus

Am Gürtel steht a rosanes Haus,
vü Männer gehen dort ein und aus.                   
Wos di durt mochn kaunn i net sogn,
i wor net drinn, i miasst an frogn.
Woit eh scho fraugn, des hot kann Zweck,
so schö die kumman, san daunn glei weg.  
Am Gürtel steht a rosanes Haus,
vü Männer gehen dort ein und aus.
Die Fensta di san imma zua,
bei Nocht, bei Tog und in da Fruha.   
I glaub es is a Haus voll Sonnenschein,
denn rot san olle Fensterscheim.

Am Gürtel steht a rosanes Haus,
vü Männer gehen dort ein und aus.
Im Haustor steht a blonde Frau,
die is sehr orn, hot wenig au.
So mauncha Mann gibt ihr a Göd
daunn is glei weg mit ihm, so is die Wöt.           

Am Gürtel steht a rosanes Haus,
vü Männer gehen dort ein und aus.
Die Kiwara sichst oft durt stehn,
von Madln woins an Ausweis sehn.
Hots kan, daunn is der Spaß vorbei,
der Gschmierde nimmts glei mit zur Kiwarei.
       
Am Gürtel steht a rosanes Haus,
vü Männer gehen dort ein und aus.
Glaubts net das i a Dodl bin,
im Haus san kane Hockenstade drinn!  
Na na!

Helmut Maier Moir © 01. 02. 2014