Das Totmachkind

Ganz fest halt i dich 

bei den Haxln.

Sie sagn, dass ihr

manchmal rumrennts,

wenn der Kopf runter is.

I hab so a Angst.

I will ned, dass du des machst.

Ganz fest halt i dich.

I hab so a Angst.
Halt still und 

bitte schrei ned.

Und schau mi ned an.

I muss dich totmachen,

hat die Mutta gsagt.

Bitte lieber Gott, 
sei ned bös mit mir.

Des Bluat spritzt -

ned so weit wie i 

glaubt hab,
nur auf meine Schuh. 

In der Kuchl 

wart scho die Mutta

mitn haßn Wasser.

Und es wird schlimm stinkn,

wenn’s dir die Federn 

aussa reißt.

Und am Abend beim Tisch

wird der Vater sagn

„Komm Herr Jesus, sei unser Gast“

Und vielleicht kommt er
dermal wirklich,

der Herr Jesus.

Und vielleicht macht er, 

dass i ned wieder

Schläg krieg, 

wenn i nur die 

Erdäpfeln essen kann

und dich ned.