A Bakl Fetzn

Text zum Thema Natur

von  HEMM

Wenn Du angemeldet wärst, könntest Du Dir diesen Text jetzt auch anhören...
A Bakl Fetzn liegt im Mistkübl
vur lauter Gschtaunk wird ma leicht übl,
i denk ma um die Fetzn is eigentlich schod
wer was, ob i daham no wöche hob.

Do find i a Plastiksackl, a des is fein
und steck kurzerhaund die Fetzn hinein.
I wers Zaus woschn und sauba mochn,
i kennts ja brauchn für so maunche Sochn.

Wie i so dahin geh, denk i ständig draun,
wie soiche Fetzen auf´d Wöt kumma san
wie laung is des her, das scho Fetzn gibt
und wo denn der Ursprung von denan liegt.

Zerst brauchst an Regen und an Sonnenschein
daunn wochst die Baumwoll von gaunz allein
vü Leit dans daunn Erntn,  is a murts Plog
si steckn die weißn  Blit´n  in an großen Sock.

Daunn drahnsas zaum, sie sogn Spinnen dazua
homs ois gsponnen, daunn gems erst a ruha.
Die Spuin mit den laungen Fäd´n
die kumman zu die Leit dies web´n.

Amoi hob i glesn in so oide Skript´n
die beste Baumwoll kummt aus Ägypt´n,
die Amerikaner schickn a vü von dem Zeig
die homs scho aubaut vur launger Zeit.

Neger aus Afrika hom sa se koit
ob die Sklaven sei woitn, bezweifl i hoit.
heit gehts vü gschwinda, mit ana Maschin
und vü weniger plog, des mocht an Sinn.

Die Fädn kaunnst färbn, des gwebte bedruckn,
zurschneidn, nahn und für´n Knopf a Luckn
es is scho wos schens , so a Fetzn zu sein,
warum steckn´s denn sovü in die Mistkübln rein?

Helmut Maier Moir©  März 2002

Möchtest Du einen Kommentar abgeben?
Diesen Text kommentieren

Kommentare zu diesem Text

LyraBerethil (21)
(15.05.06)
Dieser Kommentar ist nur für eingeloggte Benutzer lesbar.

 HEMM meinte dazu am 15.05.06:
Hallo LyraBerethil, danke für deinen Kommentar, ich schreibe gerne in Mundart, stelle aber oft einen Hörtext dazu. Das lesen der Mundart ist schwer und meine deutschsprachigen Leser verstehen es mit dem Hörtext besser. Natürlich sind auch wenige Worte dabei, die nur ein Österreicher kennt. A Backl ist ein Päckchen, also mehrere Fetzn sind a Backl. Ich hoffe geholfen zu haben und sende dir LG HEMM
Möchtest Du einen Kommentar abgeben?
Diesen Text kommentieren
Zur Zeit online:
keinVerlag.de auf Facebook keinVerlag.de auf Twitter keinVerlag.de auf Instagram