Die Eifersucht

Eifersüchtig is mei Frau,
waunn i nur amoi umeschau.
Sie hot sich bitterlich beschwert
und sogt i leg auf sie  kan Wert.

Dei neiches Gschpusi geht mi au,
host leicht net gnua mit deina Frau?
Imma is bei dir,
vö öffta no, ois du bei mir.

In da Bodwaunn is a scho glegn,
sog net na, i hob´s jo gsehn.
Im Schlofzimma unta da Deckn,
hostas woin vur mir vastecken.

Gehst auf a Bier zum Wirt ums Eck,
do is jo a mit,    oda net?
Kaum bist alla und net bei mir,
tobst du di aus und hengst an ihr.

Ihr glaubt´s eich kehrt die gaunze Wöt
und du gibst aus an Haufn Göd.
I zoi des nimma, hobt´s mi gern,
i los dei Handy heite sperrn!

Helmut Maier Moir © März 2014