Privaatpatient Lür: „Weetst du, ik weer jüüst bi ’n Dokter un heff glieks een Termin för de anner Week kriggt. Dat is de Vördeel, wenn een privaat versekert is!“
Kasspatient Tetje: „Wat denn, för de anner Week? Ik heff güstern een Termin för in dree Maant kriggt!“
Lür: „Oh, dat düürt aver lang. - Butendeem heff ik de best Behandlung! De Dokter brengt mi sogaar een Koffje, indes ik op de Ünnersöken töven mutt.“
Tetje: „Koffje? In de Töventied van een Stünd heff ik blot een old Kookje funnen.“
Lürt grient: „Beter as nix. - Un ik heff sogaar een persönelk Beraden kriggt. De Dokter hett mi seggt, ik schall mehr Sport maken un weniger eten.“
Tetje: „Dunnerkiel! Mien Dokter hett mi seggt, dat ik nich herumjuckeln, sünnern veel utgahn schall.
Lürt: „Dat is ok een gooden Tipp! Aver ik heff dat Geföhl, dat ik mehr för mien Gesundheid investeere. Ik heff sogaar een private Gesundheids-App, de mi seggt, wannehr ik Water drinken schall.“
Tetje: „Mien App seggt mi, wannnehr ik mien Pill innehmen schall. Aver se mahnt mi ok, dat ik mi to rechte Tied för een neei Termin kümmern moot! Maakt dat dien App ok?“
Lürt: „Fleitjepiepen! Ik brook keen App för Mahnung, dat deit mien Froo to Genöge. Dör de privaat Versekerung könen wi uns nix Besünners günnen, ok keen Urlaub …“
