A griabigs Schpui im Weißwurschtstadion

Heid schpuid FC Bayern gega Kaiserslautern. Des Schpui hams wiederhoin miassn, wei si rausgschtäid had, dass der Schiedsrichter a Iraner war, und di Regierung Iran ois Terrorstaat eigschtuft had, oiso ham die Großkopfadn des Schpui mit dem Iraner ois Schiedsrichter schtorniert.

Aufm Schpufäid gehts wida ganz wuid zu, da Chiang Cho Che, had am Abdul Albrami an Boi abgjagt und gibt den Boi am Dschordsch Wellington weida, da Wellington schiaßt aufs Tor, doch da Ufiro Kulabumba hadn ghoitn.

A, do schau her, jetzt gibts an Freischtoß, wei da Jose' Carambini an Olaf Olkrokson gfault had. Da Olkrokson schiaßt zwar daneben, trifft an Vladimir Brzschimski am Knie, so dass der Boi abgfälscht is, und dann direkt ins Tor neifliagt. Da had da Oki Nakitowa aba g'schaut wia da Boi direkt an ihm vorbeigrauscht is.

Da schau her, der Ulia Ujaulo had moi wida Zof mit dem angeberischen Umba Usi und da Ali Nundinga geht dazwischen.

Na endlich wird wieder weidergschpuit. Öha, da Ken Unitawo schpuit mit dem Francoise Chevalier an Doppelpass und da William Scofield versenkt ... Toooor, ja, wir Bayern ... wir san scho wäiche. Ja mei. s'hoast ja a: Mir san mir.