Dann hams die Sauna bis aufn Anschlag auffi g'dreht. Da hättst a moi des Zischn hern missn, ois der damische Leffi sei bleds g'schtinkats Öl auf die glühenden Kohlen gsch'missn hat. Wahnsinn ... da reine Wahnsinn. Und d'Leit alle, die da drin gsessn sind, rot wie Tomatn. Da Schweiß wira Wasserfall runtaglaffa. Woas gar ned, ob dabei scho jemand gschtorm is. Aber jetzt kimts, dann raus aus da Sauna und sofort rein in d'Bodwanna volla Eis. Brrrrrr ... Eisssskalt!!! Ja, da war mehr Eis ois Wassa drin. Des war dann wirklich da Obawahnsinn. Zum Glück hab i dene glei von Anfang g'sagt, dass i da ned mitmach.