Hans: Saga moi, schpinnst du, des ko doch koana zoin. Peter: Hab doch gerbt. Geht ois auf mi. Susi: I finds hier schee. War no nie in sonam deiren Wirtshaus. H: Geh Susi, des is a Luxusrestaurant und koa ordinärs Wirtshaus. S: Dass du mi imma belehrn muast. Du Obalera. P: Herds jetzt auf. Schee is hier. Und des is Hauptsach. Kellner: Was darfs denn sein? P: Ois. Ois was auf da Kartn steht. H: Ja schpinnst Du, des wärn ja, hoit a moi, an die dreissgtausend Mark. S: Des hoast Euro und ned Mark. Der dreisgjährige Krieg is scho längst vorbei. H: Des sagst ausgrechnet du, du mit deim Schpatznhirn. S: Ah du Gscheidhaferl du elendigs ... P: Herds endlich auf mit aiam Schmarrn. Kellner: Habens denn so viel dabei? S: Klar hadda des. Er hat gerbt. H: Du muast doch ned ois weida erzäin! P: Ja Herrschaft nochamoi, herds ihr jetzt endlich auf. Ja da, Herr Ober, a platinene Kreditkartn. Kellner: Oh ... entschuldigen Sie bitte, aber nun ja, die Geschäftsleitung ... P: Ja ja, is ja scho gud. I bin eana ja ned bes. Kellner: Zu liebenswürdig. Solche Gäste wie sie trösten einen so über einiges hinweg. S: Oh, was bedrückt Sie denn so arg bei ihrem Dschob. H: Ja lass doch eam sei Rua. Der wui doch ned Dir sei Lemsgschicht ... P: Halt! Wie oft muas i aich no sagn, dass jetzt endlich reicht, mit eiam Schmarrn? Kellner: Also alles was auf der Karte steht ... P: Ja, und des drei moi. S: Ja bist narrisch, des san ja glei neinzig Tausend. Kellner: Wird gleich gemacht. H: Bäda, des is zvui. Des ko i nimma zruckzoin. P: Lass ruhig, ich schterb ja eh boid. S: Oh! Bäda, bist krank? P: I wui ned drüba ren. H: Schad! S: Schad? Da Bäda is doch koa Kanarienvogal. H: Ja mei, i hob hoid a Gefühle. S: A geh. Du und Gefühle. P: Jetzt herds bittsche endlich wida auf mit eiam Gschiss. S: Wir macha uns hoid um die Sorng. H: Ja, des dua ma. P: Ja endlich seids ihr oa oanzigs moi oana Meinung! S: Ja, aba nur in oana! H: Ja, Kreizkruzifix ... P: Aufhern, i kos nimma hern.