MEI FRAU

Jetzt schreib i über mei Frau a Gedicht,
i frog mi ob des goat is,  oder nicht ?
Vor 40. Jahren, im Urlaub, do hot´s begonnen,
wia schnö is die Zeit, san die Jahre veronnen.

Wos schreib i über sie, wos foit ma ein,
Soin´s nur guade oda a schlechte Sochn sein?
Sie hot heit Geburtstog, i schreib nur guade Sochn,
oder a wos worüber wir olle lochn.

Oba schreib i wos, daunn schreib i niemols Lügen,
i wü jo und kaunn do meine Leser net betrügen.
Doch schau is jetzt aun und siach ihren Blick,
schreib i wos schlecht´s , sie mi zu Teifl schickt.

Jetzt faung i aun, hurcht´s zua und sat´s bereit,
um des Gedicht euch vorzutragen brauch i vü Zeit.
Drei Kinder, 40. Jahr Eheleben und zwanzig mol umgezogen,
a dick´s Bichl det net reichn, des is net gelogen.

Laung wird´s, wenn i über mei Frau schreibe,
No vü länger dad´s wern, schreib i über uns beide.
Drum hob i beschlossen und mi jetzt entschieden,
über mei Frau schreib i ka Gedicht, daunn hob i mein Fried´n

        Helmut Maier Moir© 
          August 2003